Қозоғистондаги даҳшатли автоҳалокатда саккиз ўзбекистонлик ҳалок бўлди
Қозоғистоннинг Актобе вилоятида йўл-транспорт ҳодисаси оқибатида 8 киши ҳалок бўлди, деб хабар беради 24kz.
Самара-Чимкент йўлининг Маржонбулоқ қишлоғи яқинида юк машинаси ва микроавтобус иштирокида ЙТҲ содир бўлган.
Натижада микроавтобус ҳайдовчиси ва унинг 7 нафар йўловчиси ҳалок бўлган. Уларнинг барчаси Ўзбекистон фуқаролари.
Вилоят ИИБ бошлиғи берган дастлабки маълумотларга кўра, ҳаракатланаётганда юк машинаси шинаси ёрилиб кетган, ҳайдовчи бошқарувни йўқотиб, қарама-қарши йўлга чиқиб кетган ва тўқнашув содир бўлган. ЙТҲ юзасидан терговга қадар текширув ишлари бошланган.