Янги Тошкентда кўчалардан бирига Санкт-Петербург номи берилади

Шавкат Мирзиёев Владимир Путинга Янги Тошкент кўчаларидан бири “Санкт-Петербург” деб номланиши ҳақида маълум қилди.

Шавкат Мирзиёев Владимир Путин билан учрашувда Тошкент кўчаларидан бирига Россия Федерациясининг маданий пойтахти шарафига ном бериш қарори ҳақида гапирди. Россия раҳбари бунга жавобан у энг гўзал бўлишини айтди.

Ўзбекистон ташаббусига Санкт-Петербург губернатори Александр Беглов ҳам муносабат билдирди.

"Ушбу қарор шаҳримиз учун катта шараф ҳамда Ўзбекистон Республикаси ва Тошкент шаҳри билан яқин, дўстона муносабатларимиз рамзидир. Ўзбекистон билан ҳамкорлик Санкт-Петербургнинг халқаро ҳамкорлик соҳасидаги асосий устувор йўналишларидан бири бўлиб келган ва шундай бўлиб қолади”, — деди Санкт-Петербург раҳбари.