Олимпиада иштирокчиси Исроилга қарши постлари учун натижаларидан маҳрум бўлди

Франция енгил атлетика федерацияси Париж Олимпиадасида иштирок этган югурувчи Муҳаммад Абдуллоҳ Кунтни ижтимоий тармоқларда Исроил ҳақида ҳақоратомуз постлар чоп этгани учун дисквалификация қилди.

Франциянинг спорт, олимпия ва паралимпия ишлари вазири Амели Оудеа-Кастера Кунтнинг изоҳларини “қабул қилиб бўлмас даражада ҳайратланарли” деб атади. Франция енгил атлетика федерацияси раҳбари Андре Жиро прокуратурага мурожаат қилди.

400 метрга югуриш бўйича ихтисослашган 29 ёшли Кунт 2021-йилдан 2024-йилнинг августига қадар Х ижтимоий тармоғида (собиқ Twitter) турли постларини эълон қилди, унда у Исроилга нисбатан нафрат уйғотди ва исроилликларни “чақалоқ қотиллари”га қиёслади.

Париж Олимпиадасида Кунт 4х400 м эстафета ва 4х400 м аралаш эстафетада югуриб, медалга эга бўлмаган эди. Энди унинг натижалари бекор қилинади.