Енгил атлетика бўйича энг қадимги жаҳон рекордларидан бирининг соҳиби вафот этди

Машҳур совет югурувчиси Ирина Подяловская узоқ давом этган касалликдан сўнг 65 ёшида вафот этди.

Подяловская ўрта масофага югуришга ихтисослашган. У 1983 йилги Универсиада ва 1984 йилги Дўстлик ўйинларида 800 м масофада ғалаба қозонган.

Подяловская СССР терма жамоаси таркибида 1984 йил август ойида 4х800 м эстафетада жаҳон рекордини ўрнатган (7 дақиқа 50,17 сония). Бу енгил атлетика бўйича ҳали янгиланмаган энг қадимги жаҳон рекордларидан биридир.