анцияда ўтган “Tur de Frans”'да вакилларимиз қандай натижага эришди?

Францияда велоспорт бўйича аёллар ўртасидаги “Tur de Frans” кўпкунлик турнири якунига етди.

Маълум қилганимиздек, унда илк бор юртимиз номидан “Tashkent City Women Professional Cycling Team” жамоаси иштирок этди.

Мусобақада стартга чиққан юртдошларимиз орасида Янина Кускова мураккаб пойгалардан иборат 8 босқичдан тўлиқ ўта олди.

Ҳамюртимиз турнирни якунлай олган 110 нафар иштирокчи орасида 47-бўлди. Бош соврин польшалик Катажина Невядомага насиб этган бўлса, нидерландиялик Деми Воллеринг ҳамда Паулина Ройякерс кучли учликни якунлаб беришди.