Собиқ Қишлоқ хўжалиги вазирига устидан суд жараёни бошланди

Қўзғатилган жиноят иши доирасида 50 киши судланмоқда.

Бугун, 5 сентябрь куни Жиноят ишлари бўйича Юнусобод туман суди биносида Қишлоқ хўжалиги вазири лавозимида ишлаган Азиз Воитов бошқаларга (жами 50 киши) оид жиноят ишини жиноят ишлари бўйича Миробод туман суди томонидан биринчи инстанцияда кўриб чиқиш бўйича очиқ суд жараёни бошланди. Бу ҳақда Олий суд Матбуот котиби Азиз Обидов хабар қилди.

Тергов органининг айблов хулосасига кўра судланувчилар Жиноят кодексининг 167, 168, 184, 185-2, 189, 205, 206, 28,209, 209, 211, 228 ва 243-моддаларида назарда тутилган жиноятларни содир этганликда айбланмоқда.

29 нафар судланувчига нисбатан “қамоққа олиш”, 15 нафарига “гаров“ ва 6 нафарига «муносиб хулқ-атворда бўлиш ҳақидаги тилхат» тарзидаги эҳтиёт чоралари қўлланилган.