Германия Канцлерининг Ўзбекистонга ташрифи доирасида бир қатор ҳужжатлар имзоланди — рўйхат

Ҳужжатлар орасида миграция, сув ресурсларидан барқарор фойдаланиш, транспорт ва яна қатор ҳужжатлар бор.

Самарқанд шаҳрида ўтган самарали музокаралар якунида Ўзбекистон президенти Шавкат Мирзиёев ва Германия Федерал Канцлери Олаф Шольц Қўшма декларацияни қабул қилдилар. Бу ҳақда Ўзбекистон президенти Матбуот хизмати хабар қилди.

Умуман, расмий ташриф доирасида 8 та икки томонлама ҳужжат имзоланди, шу жумладан:

- Миграция ва мобиллик соҳасида ҳар томонлама шериклик тўғрисида ҳукуматлараро битим;

- Ветеринария ва чорвачилик соҳасида ҳамкорлик тўғрисида ҳукуматлараро декларация;

- «Яшил Марказий Осиё» ташаббуси доирасида сув ресурсларидан барқарор фойдаланиш соҳасидаги ҳамкорлик тўғрисида ҳукуматлараро декларация;

- Ўта муҳим минераллар соҳасидаги ҳамкорлик тўғрисида қўшма декларация;

- Транспорт соҳасидаги ҳамкорлик тўғрисида битим;

- Париж битими доирасида иқлим ўзгариши соҳасидаги ҳамкорлик тўғрисида меморандум.

Бундан ташқари, 2024-2026 йилларга мўлжалланган Технологик шериклик ва саноат кооперацияси дастури қабул қилинди, шунингдек, Ўзбекистон ва Германиянинг етакчи корхоналари даражасида бир қатор битим ва шартномалар тузилди.