Flyadeal лоукостер авиакомпанияси Ўзбекистонга мунтазам рейсларни амалга оширишга рухсат олди

Саудия Арабистонининг авиакомпанияси Жидда ва Мадинадан Тошкент ва Наманганга парвозларни амалга оширади.

Саудия Арабистон Қироллигининг Flyadeal авиакомпаниясига Ўзбекистонга мунтазам авиақатновларни амалга ошириш учун рухсатнома берилди. Бу ҳақда «Ўзавиатсия» агентлиги хабар қилмоқда.

Ўзбекистон ва Саудия Арабистон Қироллиги ўртасида ҳаво қатнови тўғрисидаги ҳукуматлараро Битимга асосан 2024 йил 14 ноябрда “Ўзавиатсия” агентлиги томонидан Flyadeal авиакомпаниясига Ўзбекистонга Жидда-Тошкент-Жидда, Мадина-Тошкент-Мадина ва Жидда-Наманган-Жидда йўналишларида мунтазам авиақатновларини амалга ошириш рухсатномаси расмийлаштириб берилди.

Парвозлар А320 ҳаво кемасида амалга оширилади.