Ҳарбий рўйхатга олинмаган яна бир ўзбекистонлик Россия фуқаролигидан маҳрум этилди

Эркак ҳарбий рўйхатга олиш талабларини бузгани учун Россия фуқаролигини бекор қилди, у уч кун ичида мамлакатни тарк этиши керак.

Камчаткада «Ҳарбий мажбурият ва ҳарбий хизмат тўғрисида»ги Федерал қонунга мувофиқ бирламчи ҳарбий рўйхатга олинмаган 27 ёшли Ўзбекистон фуқаросининг Россия фуқаролиги бекор қилинди.

Маълум қилинишича, эркак 2018 йилда доимий яшаш учун Россия ҳудудига келган. 2024 йилда у Россия фуқаролигига қабул қилиш учун ариза топширган ва у қаноатлантирилган.

У натурализациядан кейин икки ҳафта ичида бирламчи ҳарбий рўйхатга туришга мажбур эди, аммо ҳужжатларни беришда огоҳлантиришга қарамай, бу мажбуриятни бажармади.

Натижада, ИИБнинг Камчатка ўлкаси бўйича бошқармаси ходимлари унинг Россия фуқаролигини бекор қилиб, паспортини олиб қўйишди ва уч кун ичида мамлакат ҳудудидан чиқиб кетишга мажбур қилишди.

Аввалроқ, Томск вилоятида Ўзбекистон фуқароси ўз вақтида ҳарбий рўйхатга олиш бўйича Россия қонунчилигининг талабларини бажармаганлиги, бунинг натижасида унинг Россия фуқаролиги бекор қилинганлиги ҳақида хабар берган эдик.