Равшан Султанходжаев Тошкент шаҳри ИИББ бошлиғи этиб тайинланди

Полковник Равшан Иркинович Султанходжаев Тошкент шаҳри ички ишлар бош бошқармаси бошлиғи этиб тайинланди, деб хабар қилди бошқарма матбуот хизмати.

У 2023 йил август ойидан буён Хоразм вилояти ИИБ бошлиғи лавозимида ишлаб келаётганди.

2021−2023 йилларда Тошкент шаҳри ИИББ бошлиғининг ўринбосари — Ҳуқуқбузарликлар профилактикаси департаменти бошлиғи, унгача эса пойтахт ИИББ ташкилий бошқармаси бошлиғи, шунингдек, ИИВ тезкор тергов бошқармаси бошлиғи ўринбосари лавозимларида ишлаган.

Аввалроқ Пойтахт ИИББнинг аввалги бошлиғи Азиз Тошпўлатов янги ички ишлар вазири этиб тайинланган эди.