ФВВ раҳбарига янги ўринбосар в.б. ва вазирлик академияси бошлиғи тайинланди

Президент қарори билан Рустам Шухратович Жумаев фавқулодда вазиятлар вазирининг ўринбосари вазифасини бажарувчи этиб тайинланди, деб хабар бермоқда вазирлик матбуот хизмати.

У молия, таъминот ва қурилиш департаменти бошлиғи бўлади. Тайинловга қадар Ҳисоб палатасининг турли лавозимларида фаолият юритган.

Бундан ташқари, президент фармойиши билан полковник Музаффаржон Мусажонович Мамасиддиқов ФВВ академияси бошлиғи лавозимига тайинланди.

Тайинловга қадар полковник Мамасиддиқов Ҳуқуқни муҳофаза қилиш академияси бошлиғи ўринбосари лавозимида фаолият юритган.

Шу кунга қадар академия бошлиғи лавозимида фаолият юритиб келган генерал-маёр Равшан Ҳайдарович Ҳайдаров нафақага чиқиши муносабати билан лавозимидан озод этилган.