Хоразмда 21 ёшли йигит бензин цистернасининг ичини тозалаётиб, вафот этди

Бош прокуратура ҳодиса юзасидан маълумот берди.

Бош прокуратура матбуот котиби Ҳаёт Шамсутдиновнинг UzNews.uz’га хабар қилишича, ҳодиса жорий йилнинг 27 март куни Шовот туманида содир бўлган.

Шу куни 1999 К.И соат 13:30лар атрофида таниши З.Р.нинг яшаш уйига бориб, “Шохобод 2022” МЧЖ бензин қуйиш шохобчасини 10 тонналик ҳажмдаги цистернасини ичини тозалаш кераклигини, эвазига иш якунлангандан сўнг хизмат ҳақини беришини айтганида, З.Р. вақти йўқлигини ва шу сабабли, фарзанди М.О. билан биргаликда цистернани ичини тозалашни айтган.

З.Р. ўзининг ўғли 2004 йилда туғилган М.О. билан биргаликда соат 15:30 лар атрофида цистернани ичини тозалашни бошлашган. М.О. цистернани ичига нарвон қўйиб, қўлида белкурак билан тушиб тозалаётган вақтда цистернани ичидаги ёқилғи қолдиқлари ҳидидан заҳарланиб ҳушидан кетиб йиқилган.

Бу ҳолатни К.И кўриб, унга ёрдам бериш мақсадида цистернани ичига тушиб, М.О. ни кўтариб чиқаётган вақтида, ўзи ҳам хушини йўқотишни бошлаган. Шундан сўнг, К.И.ни укаси О.О. кийимидан ушлаб тортиб олган. Аммо, М.О. эса цистернани ичида ҳушсиз қолиб кетиб, вафот этган.

Қайд этилишича, марҳум ва унинг отаси З.Р. 2024 йил давомида “Шохобод 2022” МЧЖ бензин қуйш шохобчаниани цистерналарини ичини 4 маротаба тозалаб беришган ва эвазига ҳар бир цистернани ичини тозалаганлиги учун 100-150 минг сўм миқдорида пул олишган.