Илҳом Тураев «Иссиқликтаъминоти» акциядорлик жамияти раиси бўлди

Ҳукумат қарори билан Илҳом Ҳабибуллаевич Тураев «Иссиқлик таъминоти» акциядорлик жамияти бошқарув раиси этиб тайинланди, дея хабар бермоқда Қурилиш ва уй-жой коммунал хўжалиги вазирлиги.

Тайинловга қадар Илҳом Тураев Иссиқлик таъминоти тизимини ривожлантириш ва эксплуатация фаолиятини мувофиқлаштириш бошқармаси бошлиғи лавозимида фаолият юритган.

Компания Шавкат Мирзиёевнинг 11 март куни имзолаган қарори билан вазирлик ҳузурида ташкил этилган ва вазирликка иссиқлик таъминоти соҳасида ягона давлат сиёсатини юритиш юкланган.