Ўзбекистон президенти МО — ЕИ саммитида иштирок этиш учун Самарқандга келди

Ўзбекистон президенти Шавкат Мирзиёев «Марказий Осиё — Европа Иттифоқи» биринчи саммити тадбирларида иштирок этиш учун Самарқандга келди, деб хабар қилди давлат раҳбари матбуот хизмати.

Бугун давлат раҳбари 2 апрель куни эрталаб Самарқандга келган Европа кенгаши президенти Антониу Кошта билан норасмий учрашув ўтказади.

Эртага саммитда иштирок этаётган делегациялар раҳбарлари билан қатор икки томонлама музокаралар ўтказиш режалаштирилган.

4 апрель куни Марказий Осиё давлат раҳбарлари ва Европа Иттифоқининг асосий институтлари раҳбарлари иштирокида асосий кўп томонлама тадбирлар бўлиб ўтади.