Фото: Ўзбекистон президенти ва ЕИ раҳбарлари Самарқандда дарахт экди

Самарқандда олий даражадаги Ўзбекистон-Европа музокаралари якунида биргаликда дарахт экиш маросими бўлиб ўтди, деб хабар қилди давлат раҳбари матбуот хизмати.

Ўзбекистон президенти Шавкат Мирзиёев, Европа комиссияси президенти Урсула фон дер Ляйен ва Европа кенгаши президенти Антониу Кошта ҳамкорликда Конгресс маркази хиёбонига иккита эман дарахти кўчати экди.

«Кўчат экиш маросими Ўзбекистон ва Европа Иттифоқи ўртасида дўстлик, кўп қиррали ҳамкорлик ва шериклик муносабатлари тобора мустаҳкамланиб бораётганининг яна бир рамзи бўлди», — дейилади матбуот хизмати хабарида.

Сўнгра Ўзбекистон президенти ва Европа Иттифоқи раҳбарлари Самарқанд халқаро сайёҳлик марказидаги «Боқий шаҳар» тарихий-этнографик мажмуасига ташриф буюрди.

Меҳмонларга Ўзбекистон бадиий, халқ ва амалий санъати, мусиқа маданияти намойиш этилди.

Фото