Тимур Раҳмонов Ўзбекистоннинг Финляндиядаги элчиси бўлди
Расмий тадбирдан сўнг ўтказилган мулоқот чоғида Ўзбекистон ҳамда Финляндия ўртасидаги икки томонлама ҳамкорликнинг бугунги ҳолати ва истиқболлари муҳокама қилинди.
Финляндия етакчиси Хельсинки ва Тошкент ўртасидаги сиёсий мулоқот ҳамда икки томонлама савдо-иқтисодий ҳамкорликнинг ривожланиб бораётганини юқори баҳолаб, Ўзбекистоннинг минтақадаги муҳим ўрнини қайд этди ва мамлакатимиз билан сиёсий-иқтисодий алоқаларни янада ривожлантиришдан манфаатдорлигини тасдиқлади.
Тимур Раҳмонов 2024 йил 13 март куни Ўзбекистоннинг Латвияга янги тайинланган элчиси сифатида Рига шаҳрига борганди. Ушбу лавозимга тайинланишидан олдин у 2021−2024 йилларда мамлакатимизнинг Новосибирск шаҳридаги бош консули бўлиб ишлаган.
Раҳмонов, шунингдек, 2025 йил 11 февраль куни Литвадаги элчи сифатида ушбу давлат президенти Гитанас Науседага ишонч ёрлиқларини топширган.