[ jamiyat ] 5 May 2025
Тошкент метросида илк бор аёллар машинист бўлиб иш бошлади
Электропоезд машинисти лавозимига талабгорлар орасидан илгари метрополитеннинг турли тузилмаларида ишлаган 16 нафар ходим танлаб олинди.
Айни пайтда аёл машинистлар мураббийлар назорати остида ишламоқда, аммо яқин келажакда улар таркибларни мустақил равишда бошқаришни бошлайдилар.
Аёл ҳайдовчилар гуруҳига биринчи танлов ўтган йили Ўзбекистон президенти топшириғи билан эълон қилинган эди. Танловдан метрополитеннинг турли тузилмаларида иш тажрибасига эга бўлганлар ўтди.
Суҳбат, тиббий комиссия ва психологик тест синовларидан сўнг 16 нафар ходим ишга қабул қилинди.
11 ой давомида қизлар жадал ўқитилди: поездлардан фойдаланиш қоидалари, уларнинг техник тузилиши, шунингдек, пневматик ускуналарнинг ишлаш тамойиллари ўрганилди.