Президент администрациясининг қатор ходимлари лавозимидан озод этилди

Шавкат Мирзиёев фармони билан президент администрациясининг қатор ходимлари эгаллаб турган лавозимидан озод этилди, деб хабар қилди давлат раҳбари матбуот котиби Шерзод Асадов.

Саидлазиз Саидасилович Саидкаримов - бошқа ишга ўтиши муносабати билан Президент администрациясининг Назорат инспекцияси бошлиғи лавозимидан озод этилди;

Ўткиржон Ғайратович Кодиров — бошқа ишга ўтиши муносабати билан Президент администрацияси Ҳудудлар билан ҳамкорлик қилиш ва таҳлилий материалларни тайёрлаш департаменти мудири лавозимидан озод этилди;

Жахонгир Жовахирлаевич Ибрагимов — бошқа ишга ўтиши муносабати билан Президент алминистрациясининг Режалаштириш ва ахборот таъминоти департаменти раҳбари ўринбосари лавозимидан озод этилди.

Шерзод Асадов ўзгартиришлар эълон қилинган йиғилишдан суратларни (юқорида ва пастда) эълон қилди.

Аввалроқ Саида Мирзиёева Президент администрацияси раҳбари лавозимига келгани хабар қилинганди. Комил Алламжонов унинг мустақил маслаҳатчиси этиб тайинланди. Бекзот Мавлонов президент ёрдамчиси, Азиз Магрупов эса президентнинг хорижий инвестиция бўйича маслаҳатчиси бўлди.