Фото: БМТ конференцияси давлат раҳбарлари Тожикистондаги тадбирларда
Ўзбекистон президенти матбуот хизмати хабарига кўра, миллий кунлар минтақа халқларининг бой маданий меросини, мустаҳкамланаётган қўшничилик алоқаларини ва кенгайиб бораётган маданий-гуманитар ҳамкорлигини намойиш этиш мақсадида уюштирилди.
Бу ерда анъаналар ва ҳунармандчиликка бағишланган, маданият, санъат ва туризм соҳаларидаги замонавий ютуқлар акс этган миллий павильонлар очилган. Шунингдек, миллий таомлар кўргазмаси ва пазандачилик бўйича маҳорат дарслари ташкил этилган.
Анъанавий ўзбек ҳовлиси кўринишида қурилган Ўзбекистон павильони, қайд этилишича, ташриф буюрувчиларда ижобий таассурот қолдирган.
«Тадбир минтақавий ўзига хослик ва маданий ранг-барангликнинг навбатдаги намунаси сифатида ўзаро англашувни мустаҳкамлашга ҳамда Марказий Осиёни тинчлик, барқарорлик ва фаровонлик макони сифатида намоён этишга хизмат қилди», — дейилади хабарда.
Эслатиб ўтамиз, БМТнинг Денгизга чиқиш имкони бўлмаган ривожланаётган мамлакатлар рўйхатида 32 та давлат, хусусан, барча Марказий Осиё мамлакатлари мавжуд.
Фото
