Ўзбекистонлик экспортёрларга Беларусь бозорига чиқишда ёрдам берилади

Ўзбекистон Савдо-саноат палатаси раиси Даврон Ваҳабов ва «Белтаможсервис» компанияси раҳбари Дмитрий Коваленок Ўзбекистон маҳсулотларини Беларусьга импорт қилиш масалаларини муҳокама қилди.

Учрашув давомида томонлар ўзбекистонлик экспортёрлар учун божхона тартиб-таомилларини соддалаштириш чораларини, шунингдек маҳсулот етказиб бериш ҳажмини Беларусь бозорига кенгайтириш масалаларини кўриб чиқдилар.

Бундан ташқари, экспорт шартномаларини тузиш ва логистика масалаларини ҳал қилиш соҳасида ҳамкорлик қилиш бўйича келишувга эришилди.