UFC. Нганну: «Мен MMA тарихидаги энг яхши жангчиман»

UFC’нинг оғир вазндаги собиқ чемпиони Фрэнсис Нганну аралаш яккакурашларга қайтиши олдидан баландпарвоз баёнот бериб, ўзини MMA тарихидаги энг яхши жангчи деб атади.

«Мен MMA тарихидаги энг яхши жангчиман. Ҳа, маълум бир вақтда бор эътиборимни боксга қаратган эдим. Лекин қайтиш мен учун осон бўлди. Фарқни ҳис қилдим, бошқа йўналишга назар солдим. Боксда ҳам астойдил машқ қилганман. Энди эса қўлимдан нима келишини кўрсатиб қўяман», — деди Фрэнсис Нганну матбуот анжуманида.

Нганну Most Valuable Promotions (MVP) лигаси турнирининг марказий жангларидан бирида бразилиялик Фелипе Линсга қарши октагонга тушади. Жанг 16 майдан 17 майга ўтар кечаси Лос-Анжелесда (АҚШ) бўлиб ўтади.