Спорт курашлари бўйича ОЧ. Рустам Ассакалов финалда ютқазиб қўйди

Мўғулистон пойтахти Улан-Баторда спорт курашлари бўйича Осиё чемпионатининг иккинчи кунги баҳслари 20 апрель, чоршанба куни бўлиб ўтди.

Унда 5 нафар ўзбекистонлик спортчи медаллар учун кураш олиб борди.

— 60 кг вазн тоифасида Феруз Тўхтаев япониялик рақиби Аята Сузукига 3:12 ҳисобида мағлубиятга учради ва 5-ўринни эгаллади.

Бронза медаль учун баҳсларда — 67 кг вазн тоифасида Маҳмуд Бахшуллоев ҳиндистонлик рақиби Сачин Саҳраватга, — 72 кг вазн тоифасида Мирзобек Раҳматов қирғистонлик рақиби Адилхан Нурланбековга ютқазиб қўйди.

— 82 кг вазн тоифасида Муҳаммадқодир Расулов япониялик рақиби Юя Окажимани мағлуб этиб, бронза медалига сазовор бўлди.

— 97 кг вазн вазн тоифасида Рустам Ассакалов финалда эронлик Меҳди Балиҳамзега қарши баҳсда мағлуб бўлди, натижада ўзбекистонлик спортчи Осиё чемпионатининг кумуш медалини қўлга киритди.

Маълумот учун, юнон-рум кураши бўйича Ўзбекистон терма жамоаси кечаги баҳсларда 1та кумуш ва 1та бронза, биринчи кунги мусобақада 1та кумуш 2та бронза жамғаришди.

Манба: minsport.uz