Ўзбекистонда 14 июль куни ҳаво ҳарорати 46 даражагача кўтарилиши мумкин
Тошкент шаҳрида ёғингарчилик кутилмаяпти. Ҳаво ҳарорати кечаси 24–26 даража, кундузи эса 38–40 даража атрофида бўлади.
Энг юқори ҳарорат Бухоро ва Навоий вилоятларида кузатилиши прогноз қилинмоқда. Ушбу ҳудудларда ҳаво 40–45 даражагача исийди. Қорақалпоғистон Республикаси ва Хоразм вилоятида эса кундузи 39–44 даража иссиқ бўлиши кутилмоқда. Айрим жойларда шамол тезлиги секундига 18 метргача кучайиши ва чанг-тўзон кузатилиши мумкин.
Тошкент, Самарқанд, Жиззах ва Сирдарё вилоятларида кундузи 38–43 даража, Қашқадарё ва Сурхондарё вилоятларида 39–44 даража, Фарғона водийсида эса 35–40 даража илиқлик бўлиши прогноз қилинган.
Тоғолди ва тоғли ҳудудларда айрим жойларда қисқа муддатли ёмғир, момақалдироқ ҳамда сел-паводисалари юз бериши эҳтимоли сақланиб қолмоқда. Мутахассислар Тошкент, Андижон, Наманган ва Фарғона вилоятларининг тоғли ҳудудларида сел хавфи сақланаётганидан огоҳлантирди.
Синоптиклар маълумотига кўра, 13–17 июль кунлари мамлакатда аномал иссиқ даври давом этади. Бу кунларда республика ҳудудининг катта қисмида ҳаво ҳарорати 41–43 даража, шимолий, жанубий ва чўл ҳудудларида эса 44–46 даражагача етиши мумкин.