Қирғизистонда зилзила содир бўлди ва Фарғона вилоятида ер силкиниши сезилди

15 июль куни маҳаллий вақт билан соат 11:16 да Қирғиз Республикаси ҳудудида магнитудаси 3,0 бўлган зилзила қайд этилди.

Маълумотларга кўра, зилзиланинг эпицентри Боткен вилоятида жойлашган бўлиб, ўчоқ 5 километр чуқурликда юзага келган. Эпицентр Тошкент шаҳридан тахминан 265 километр жануби-шарқда жойлашган.

Ер силкиниши Ўзбекистоннинг Фарғона вилоятида ҳам сезилган. Хусусан, Фарғона туманида зилзила кучи 2–3 баллни ташкил этган. Эпицентр мазкур ҳудуддан тахминан 45 километр узоқликда жойлашган.

Дастлабки маълумотларга кўра, зилзила оқибатида жабрланганлар ёки вайронгарчиликлар ҳақида хабар берилмаган.