Паркентда «Узум сайли» халқаро фестивали ўтказилади

Жорий йилнинг 21–22 август кунлари Паркент тумани Заркент қишлоғида «Узум сайли» халқаро фестивали бўлиб ўтади.

Фестиваль доирасида сара узум навлари ва қишлоқ хўжалиги маҳсулотлари ярмаркаси, халқаро конференция ташкил этилади.

Шунингдек, эстрада хонандаларининг чиқишлари, миллий урф-одат ва анъаналар намойиши ҳам фестиваль дастуридан ўрин олган.