Ўзбекистонлик курашчи Қувончбек Исмоилов жаҳон чемпиони бўлди

Словакиянинг Братислава шаҳрида спорт курашлари бўйича U20 ёш тоифасидаги жаҳон чемпионати бўлиб ўтмоқда. Мусобақа анъанага мувофиқ юнон-рум кураши баҳслари билан бошланди.

Бугун — 63 кг вазн тоифасидаги финал баҳсида Ўзбекистон вакили Қувончбек Исмоилов россиялик Салим Кармаховга қарши гиламга чиқди.

Кескин кечган беллашувда ҳамюртимиз 9:7 ҳисобида ғалаба қозониб, U20 жаҳон чемпионати олтин медалига сазовор бўлди.

Шу тариқа, Қувончбек Исмоилов Братиславадаги дунё биринчилигида Ўзбекистон терма жамоаси ҳисобига чемпионлик унвонини қўшиб қўйди.

Манба: Olympic.uz