Ёш дзюдочиларимиз жаҳон чемпионатини 4 та медаль билан бошлади

Эквадорнинг Гуаякиль шаҳрида дзюдо бўйича ўсмирлар ўртасидаги жаҳон чемпионати старт олди. Мусобақанинг илк куни Ўзбекистон терма жамоаси учун муваффақиятли ўтиб, вакилларимиз 1 та олтин ва 3 та бронза медаль қўлга киритди.

— 40 кг вазн тоифасида татамига чиққан Ирода Сирожиддинова барча рақибларини мағлуб этиб, жаҳон чемпиони деган шарафли номга сазовор бўлди ва Ўзбекистон делегацияси ҳисобига дастлабки олтин медални қўшиб қўйди.

Шунингдек, — 55 кг вазн тоифасида Бобур Юсупов, — 44 кгда Алина Колючева ҳамда — 48 кгда Чарос Ҳикматова бронза медалларини қўлга киритди.

Шу тариқа, Ўзбекистон ўсмирлар терма жамоаси жаҳон чемпионатининг дастлабки кунини 4 та медаль — 1 та олтин ва 3 та бронза билан якунлади.

Манба: Olympic.uz