Бектемирда 58 гектарлик янги Business City ташкил этилади

Тошкент шаҳрининг Бектемир туманида Bektemir Business City барпо этилиши режалаштирилмоқда. Лойиҳанинг дастлабки қиймати 1,2 миллиард доллар, майдони эса қарийб 58 гектар бўлиши кутилмоқда.

Янги мажмуа ҳудудида турар жой мажмуалари, бизнес ва сервис объектлари, шунингдек, ижтимоий ҳамда кўнгилочар инфратузилма жойлаштирилиши режалаштирилган.

Лойиҳанинг аниқ ҳудуди ва объектлар таркиби мастер-режа ишлаб чиқилганидан сўнг белгиланади.

Bektemir Business City пойтахтда замонавий шаҳар инфратузилмасини ривожлантириш ва янги ишбилармонлик маконларини яратишга қаратилган йирик лойиҳалардан бири бўлиши кутилмоқда.