Ўзбекистонлик ҳакамлар Осиё ўйинлари ярим финалида ишлайди

Осиё ўйинларининг футбол бўйича ярим финал учрашувида ўзбекистонлик ҳакамлар ҳам фаолият олиб боради.

29 сентябрь куни аёллар футболи бўйича КХДР ва Хитой терма жамоалари ўртасида ярим финал баҳси ўтказилади. Ушбу учрашувда Ўзбекистондан уч нафар ҳакам иштирок этади.

Кристина Середа ёрдамчи ҳакам сифатида ишлайди. Фирдавс Норсафаров VAR ҳаками, Розиябону Юсупова эса AVAR ҳаками вазифасини бажаради.

Манба: uzfhm.uz