Ўзбекистонлик ёш боксчилар жаҳон чемпионатида 8 та медаль қўлга киритди

Черногориянинг Будва шаҳрида 19 ёшгача бўлган боксчилар ўртасидаги жаҳон чемпионати ўз ниҳоясига етди. Нуфузли мусобақада Ўзбекистон терма жамоаси 8 та медалга сазовор бўлди.

Дунёнинг 69 мамлакатидан 474 нафар спортчи иштирок этган чемпионатда ҳамюртларимиз 4 та олтин, 2 та кумуш ва 2 та бронза медални қўлга киритди.

Айниқса, йигитларимиз юқори натижа қайд этди. Улар 3 та олтин, 1 та кумуш ва 1 та бронза медаль жамғариб, умумжамоа ҳисобида биринчи ўринни эгаллади.

Олтин медаль соҳиблари:

• 
  75 кг: Суҳроб Раҳматуллаев
  
• 
  90 кг: Асадбек Султонбоев
  
• 
  51 кг: Назокат Мардонова
  
• 
  +90 кг: Ислом Салихов
  

Кумуш медаль соҳиблари:

• 
  85 кг: Сардорбек Баҳромхўжаев
  
• 
  70 кг: Мафтуна Янгиева
  

Бронза медаль соҳиблари:

• 
  70 кг: Зулфиқор Адҳамжонов
  
• 
  48 кг: Мухтасар Алиева