АҚШга учадиган йўловчилардан Конго Демократик Республикасига бормаганлик тўғрисида декларация талаб қилинади
3 ноябрдан бошлаб бошқа мамлакатлардан, жумладан, транзит рейслар орқали АҚШга йўл олаётган йўловчилар махсус декларацияни тўлдириши керак. Ҳужжатда сўнгги 21 кун давомида Конго Демократик Республикасига бормаганлик тасдиқланиши лозим.
Конго Демократик Республикаси аэропорти орқали транзит ўтиш ҳам мамлакатга ташриф буюриш ҳисобланади. 18 ёшга тўлмаган болалар учун ҳужжатни ота-онаси ёки васийси имзолайди. Декларациясиз йўловчилар рейсга қўйилмайди.
Ушбу талаб Эбола вируси тарқалиши хавфини камайтириш мақсадида жорий этилмоқда.