Грин-карта лотереяси қайтмоқда: аризалар қабули 1 ноябрдан бошланади, натижалар 3 декабрда эълон қилинади

Оммавий ахборот воситаларининг хабар беришича, Грин-карта лотереяси (DV — 2027) бўйича аризаларни рўйхатдан ўтказиш жорий йилнинг 1 ноябридан 30 ноябрига қадар бўлиб ўтади. Танлов натижалари эса 3 декабрь куни эълон қилиниши кутилмоқда — бу лотерея тарихидаги энг қисқа кутиш муддати ҳисобланади.

Ариза топшириш тартиби бўйича асосий босқичлар:

1. Расмий dvprogram.state.gov веб-сайтига кириш;
2. DS — 5501 анкета шаклини тўлдириш;
3. Белгиланган талабларга мос фотосуратни юклаш;
4. Ариза юборилгач, тасдиқлаш рақамини (confirmation number) сақлаб қўйиш.

Мутахассислар номзодларга керакли ҳужжатлар ва фотосуратларни олдиндан тайёрлаб қўйишни тавсия этмоқда.