UFC. Махачев тез орада фаолиятини якунлашга шаъма қилди

UFC ярим ўрта вазн тоифаси чемпиони Ислом Махачев кейинг жангги фаолиятидаги сўнггиси бўлиши мумкинлигини таъкидлади. Доғистонлик жангчи бу ҳақда ижтимоий тармоқдаги саҳифасида ёзиб қолдирди.

“Кейинги жангим фаолиятимдаги сўнгги беллашувлардан бири бўлади. Айтишларича, Пратес мен учун жуда хавфли рақиб, Моралес эса ҳаддан ташқари кучли. Шунинг учун иккисидан энг кучлисига қарши жанг қилишни ва бутун дунёга яна бир бор ким дунёнинг энг зўри эканини исботлашни истайман”, дейди Махачев.

У аввалроқ Пратес ва Моралес ўзаро жанг орқали чемпионлик учун ким кўпроқ муносиб эканини кўрсатиши кераклигини таъкидлаган эди.

UFC раҳбари Дана Уайт эса Махачев январ ойида жанг қилишни режалаштирганини, бироқ кейинчалик рамазон ойи тугагунига қадар октагонга чиқмасликка қарор қилганини айтганди. Уайтнинг фикрича, чемпионнинг узоқ вақт жанг қилмаслиги бутун дивизионнинг ривожланишини секинлаштириши мумкин. Шу сабабли ташкилот вақтинчалик чемпионлик жангини ўтказишга қарор қилган. Карлос Пратес ва Майкл Моралес ўртасидаги беллашув 2027-йилнинг 30-январ куни UFC 336 турнири доирасида ташкил этилади.

Маълумот ўрнида, Ислом Махачев ўзининг сўнгги жангини 16-август куни Филадельфияда бўлиб ўтган UFC 330 турнирида ўтказди. Чемпионлик жангида у ирландиялик Ян Геррини ҳакамларнинг якдил қарори билан мағлуб этди. Бу унинг UFCдаги қаторасига 17-ғалабаси бўлди. Бу рекорд натижа ҳисобланади.