Саида Мирзиёева Парижда Эммануэль Макрон билан учрашди
Президент администрацияси раҳбари Саида Мирзиёева 11 ноябрь куни Парижда Франция президенти Эммануэль Макрон билан учрашди.
«Унга президентимиз Шавкат Мирзиёевнинг самимий саломини етказдим. Мудофаа, хавфсизлик, кибертехнологиялар ва сунъий интеллектдан тортиб, йирик иқтисодий ва гуманитар лойиҳаларгача бўлган йўналишларда стратегик шериклигимизни ривожлантириш ҳақида фикр алмашдик», — деб ёзди Мирзиёева.
Аввалроқ Саида Мирзиёева Париж тинчлик форумида қуролли можароларда мактаб, шифохоналарни ҳимоялашга кўмаклашиш ҳамда уларга қилинган ҳужумлар жазосиз қолмаслигини таъминлашга чақиргани ҳақида
ёзгандик. У Ўзбекистон БМТ Бош ассамблеясига болалар фаровонлигига оид резолюция лойиҳасини киритишни режа қилаётганини ҳам айтган.
