ФВВ Тошкентда 9 балли зилзила бўлиши мумкин бўлган ҳудудлар ҳақидаги хабарни рад этди

Интернетда 9 баллгача ер силкиниши мумкин бўлган энг хавфли ҳудудлар, дея Тошкентнинг бир нечта туманлари кўрсатилиб, хабарлар тарқатилганди.

Аввалроқ, ижтимоий тармоқда Тошкентда Рихтер шкаласи бўйича 9 магнитудалик зилзилалар бўлиши мумкин бўлган ҳудудлар харитаси акс этган фотосурат тарқалди. Хабарларда мазкур сурат ФВВ томонидан эълон қилингани ҳақида хабар берилганди.

Вазирлик Матбуот хизматининг хабар қилишича, Фавқулодда вазиятлар вазирлиги томонидан бу маълумот эълон қилинмаган.

«Ишончли маълумотларни фақатгина бизнинг расмий манбаларимиздан олишингиз тавсия этилади», — дейилади хабарда.