Хоккей. «Ҳумо» серияда 2:0 ҳисобида олдинга ўтиб олди

Жорий мавсумда Қозоғистон чемпионатида иштирок этаётган Тошкентнинг «Ҳумо» хоккей клуби плей-офф босқичидан ўрин олган иккинчи ўйинни ўтказди. Тошкентликлар «Горняк» клубига қарши иккинчи ўйинда ҳам ғалабага эришишди. Бу галги ғалаба кечагисига нисбатан осонроқ бўлди.

Боиси, вакилларимиз биринчи бўлимнинг дастлабки 10 дақиқаси давомида рақиб дарвозасига нақ 3 марта йўл топишди. Улардан иккитаси сон жиҳатдан устунликда киритилди.

«Горняк» эса иккинчи ва учинчи бўлимларда биттадан гол уриб, ҳисобни қисқартирди — 4:2.

Шу тариқа, «Ҳумо» чорак финал босқичида иккинчи ғалабага эришди. Чорак финал босқичи жамоалардан бири 4 марта ғалаба қозонгунга қадар ўйинлар ўтказилади. Жамоалар ўртасидаги кейинги иккита баҳс эса 21 ва 22 февраль кунлари Рудний шаҳрида бўлиб ўтади.

Хоккей. Қозоғистон чемпионати. Чорак финал, 2-ўйин
«ҲУМО» — «ГОРНЯК» — 4:2
Голлар: Тимур Шингареев (00:28), Иван Фишченко (05:34), Антон Рехтин (08:15), Владимир Журавлёв (09:13) — Денис Гурьев (26:03), Вячеслав Шарипов (52:38).

Манба: stadion.uz