Aimchess Rapid. Нодирбек Абдусатторов Левон Аронянни мағлуб этиб, финалга чиқди

Шахмат бўйича Aimchess Rapid онлайн турнирида кеча навбатдаги баҳслар ўтказилди. Ушбу мусобақанинг 1-дивизионида иштирок этаётган Нодирбек Абдусатторов кеча АҚШлик Левон Аронянга қарши ярим финал ўйинларини ўтказди.

Ҳамюртимиз биринчи партияда оқ доналарда ўйнаб, бор-йўғи 21-юришда рақибини таслим бўлишга мажбур этди. Бу пайтга келиб Абдусатторов шахмат тахтасида ҳам сифат, ҳам суръат устунлигини қўлга киритганди.

Нодирбек иккинчи партияда қора доналарда ўйнади ва бу партия нақ 70-юришдан иборат бўлди. Ватандошимиз ўйин бошида Фарзинларни алмаштириб юборди ва баҳсни дурангга олиб борди.

Ўзбекистонлик шахматчи учинчи партияда оқ доналарда ўйнаб, ғалабага эришди. Баҳснинг 33-юришига келиб Аронянни мағлубиятни тан олди. Натижада тўртинчи партияга ҳожат қолмади — 2,5 — 1,5.

Нодирбек Абдусатторов финалда Магнус Карлсенга қарши баҳс юритади. Норвегиялик спортчи ярим финалда АҚШлик Фабиано Каруанани мағлуб этди (2,5-1,5). Бу тўқнашувда ғалаба қозонган спортчи гранд финалда иштирок этади.

Манба: stadion.uz