Green Card лотереяси натижалари бугун эълон қилинади

Натижаларни 2023 йил 30 сентябрга қадар текшириш мумкин.

Бугун, 6 май куни Тошкент вақти билан соат 21:00 дан бошлаб Diversity Visa Programm 2024 (Green Card) натижаларини текшириш мумкин бўлади. Ариза ҳолатини дастурнинг расмий сайтида кўриш мумкин — dvprogram.state.gov

Бунинг учун расмий сайтда анкета ва шахсий маълумотларни тўлдириш вақтида олган тасдиқловчи рақамингизни киритишингиз керак.

Натижаларни 2023 йилнинг 30 сентябрига қадар текшириш мумкин.

Ютуқ ҳақидаги билдиришнома VISA олиш кафолатини бермаслиги қайд этилган. АҚШга кетиш учун DS — 260 формасини тўлдириб, суҳбатдан ўтиш зарур.