Питердан Тошкентга келаётган самолёт бортида жамоат тартибини бузган эркак қамалди

Йўловчи самолёт бортида маст ҳолатда экипаж билан жанжаллашган.

«Санкт-Петербург — Тошкент» йўналиши бўйича самолёт бортида маст ҳолда экипаж билан жанжаллашиб, жамоат тартибини бузган йўловчи фуқаро С.Р.га нисбатан чора кўрилди.

Тошкент шаҳри аэропортларида ХТБ ҲПБ ходимлари томонидан МЖтКнинг 183-моддаси бўйича ҳужжатлар расмийлаштирилган бўлиб, жорий йилнинг 29 май куни Жиноят ишлари бўйича Тошкент шаҳар Сирғали суди томонидан фуқаро С.Р.га нисбатан 15 сутка маъмурий қамоқ жазоси тайинланди.