Ўзбекистон ТИВ раҳбари стратегик мулоқотда иштирок этиш учун Хитойга ташриф буюради
Ўзбекистон ташқи ишлар вазири Бахтиёр Саидов 19−22 ноябрь кунлари Хитойда бўлади, дея хабар бермоқда «Синьхуа» ахборот агентлиги.
«ХКП Марказий қўмитаси Сиёсий бюроси аъзоси, Хитой Халқ Республикаси ташқи ишлар вазири Ван Ининг таклифига биноан Ўзбекистон ташқи ишлар вазири Бахтиёр Саидов Хитойга ташриф буюради», — дейилади хабарда.
Ташриф доирасида ТИВ раҳбарлари Хитой ва Ўзбекистон ташқи ишлар вазирлари ўртасида биринчи стратегик мулоқотни ўтказади, дейилади хабарда.