Андижонда ҳаракатланиб кетаётган Matiz устига дарахт қулади — видео

Автомобиль ичида бўлган 19 ёшли ҳайдовчи шифохонага олиб кетилган.

Андижон вилояти ФВБ Матбуот хизматининг хабарига кўра, бугун, 12 июнь куни Андижон тумани “Ойжамол” МФЙ Олийгоҳ кўчасида ҳаракатланиб кетаётган Matiz автомобилининг устига кучли шамол сабабли бақатерак қулаб тушган.

Автомобиль ичида бўлган 2004 йилда туғилган Д.Л. тан жароҳати олиши натижасида шифохонага жўнатилган.

Маълумот учун, аввалроқ, Андижонда кучли шамол кузатилгани ҳақида хабар берилди. Маълум қилинишича, шамол тезлиги 16 м/c ни ташкил этган.