[ jamiyat ] 3 Iyul 2023
Тошкент шаҳри ва вилоятидаги айрим ҳудудларда "свет" ўчирилди
Энергетика вазирлиги Тошкент шаҳридаги электр узатиш тармоғида носозлик юзага келганини маълум қилди.
Бунинг натижасида, Тошкент шаҳри Юнусобод ва Олмазор туманлари, шунингдек, Тошкент вилояти Тошкент тумани истеъмолчиларининг бир қисмида электр таъминотида узилиш кузатилмоқда.
«Ҳозирги вақтда носозликни бартараф этиб, тармоқни ишга тушириш чоралари кўрилмоқда. Келтирилган ноқулайликлар учун истеъмолчилардан узр сўраймиз», — дейилади хабарда.
Эслатиб ўтамиз, аввалроқ, бугун Яккасарой ва Миробод туманининг айрим жойларида электр энергияси вақтинча тўхтатилиши ҳақида хабар берилганди.