Тошкентда талабалар келиши сабаб автобуслар сони 1700 тагача оширилди

Автобус йўналишлари сони 167 тагача етказилади ҳамда кунлик ишга чиқарилаётган автобуслар сони 1700 тагача оширилади.

«Тошшаҳартрансхизмат» АЖ Ахборот хизматининг хабар қилишича, 2023 йил 4 сентябрь кунидан бошлаб пойтахтдаги таълим масканларида навбатдаги ўқув йили бошланиши муносабати билан Тошкент шаҳридаги автобус йўналишлари сони 167 тагача етказилади ҳамда кунлик ишга чиқарилаётган автобуслар сони 1700 тагача оширилади.

Жумладан, йўловчилардан келиб тушган мурожаатлар асосида, 4 сентябрь кунидан бошлаб Тошкент шаҳрида қўшимча 7 та янги автобус йўналишлари ташкил этилмоқда.