Бу йил халқаро фан олимпиадаларида Ўзбекистон ўз тарихидаги энг яхши натижага эришди

Мактаб ўқувчилари 5 та нуфузли олимпиадада 13 медални қўлга киритишди.

Ҳилола Умарова бошчилигида ўтган мактабгача ва мактаб таълими вазирлигининг кенгайтирилган ҳайъат мажлисида маълум қилинишича, бу йил халқаро фан олимпиадалари бўйича Ўзбекистон тарихидаги энг яхши натижа қайд этилган.

Маълум қилинишича, халқаро фан олимпиадаларида юртимиз мактаб ўқувчилари 69 та, жумладан, 5 та нуфузли олимпиадада 13 медални қўлга киритиб, Ўзбекистон тарихидаги энг яхши натижага эришди.