Тошкент вилоятида 6 машина иштирокида ЙТҲ содир бўлди

Ҳайдовчилар оралиқ масофани сақламагани сабаб ЙТҲ содир бўлди.

Тошкент вилояти Ўрта Чирчиқ туманида 6 та машина иштирокида йўл-транспорт ҳодисаси содир бўлди. Бу ҳақда вилоят ИИББ ЙҲХБ хабар берди.

Ҳодиса 21 октябр куни соат 20:00 ларда туман ҳудудидан ўтган 4Р — 22 автомобил йўлининг 20-километрида содир бўлган.

Қайд этилишича, 6 та транспорт воситаси тўқнашиб кетган. Бунга ҳайдовчилар оралиқ масофани сақламагани сабаб бўлган.

Машиналар ҳайдовчиларига биринчи тез тиббий ёрдам кўрсатилган.

Ҳодиса оқибатида оғир тан жароҳати олган фуқаролар йўқ.