Тошкентдан Мадинага учган самолёт икки соат учиб, яна ортга қайтди

Panorama Airways самолёти техник сабабларга кўра 377 йўловчи билан бирга ортга қайтишга мажбур бўлди.

Panorama Airways авиакомпаниясининг Тошкент – Мадина йўналиши бўйича UZP — 361 рейсини амалга ошираётган самолёт парвоздан икки соат ўтиб Тошкент аэропортига қайтиб келди. Бу ҳақда Uzbekistan Airports Матбуот хизмати хабар қилди.

Маҳаллий вақт билан соат 13:37 да бортида 377 йўловчиси бўлган самолёт Тошкент халқаро аэропортига қўнди. Техник сабабларга кўра учиш аэропортига қайтиш ҳақидаги қарор экипаж томонидан қабул қилинган.