Ўтган йилнинг қайси ойида энг кўп туғилиши қайд этилган?

Статистика агентлиги ўтган йилнинг қайси ойида энг кўп ва энг кам чақалоқ туғилиши бўйича маълумот берди.

Статистика агентлиги маълумотларига кўра, 2023 йилда Ўзбекистонда 961 962 нафар тирик туғилиш қайд этилган.

Бу кўрсаткич 2022 йил билан солиштирилганда 29,8 минг нафарга ошган.

2023 йилнинг август ойида энг кўп 97 310 нафар чақалоқ туғилиши қайд этилган.

Энг кам 64 879 нафар чақалоқ туғилиши эса февраль ойида қайд этилган.