Тошкентда транспорт тезлигини 60 км/соатгача камайтириш бўйича таклиф рад этилганига муносабат билдирилди
Интернетда Тошкентнинг айрим кўчаларида транспортда юқори ҳаракатланиш тезлигини соатига 60 километргача камайтириш юзасидан киритилган таклиф рад этилгани ҳақида хабарлар тарқалганди.
Бу маълумотга шаҳар ҳокимлиги матбуот хизмати изоҳ берди.
Қайд этилишича, Тошкент шаҳар ИИБ ЙҲХБ томонидан илгари сурилган таклиф рад этилмаган. Аммо бу масалани халқ депутатлари Тошкент шаҳар Кенгашининг навбатдаги сессиясида қайта муҳокама қилиш тўғрисида қарор қабул қилинди.
Тошкент йўлларида тезликни 60 км/соатгача камайтириш таклифи рад этилгани ҳақидаги маълумотни шаҳар кенгаши асоссиз дея атади.
Бундай таклиф билан Тошкент шаҳар Ички ишлар бош бошқармаси Йўл ҳаракати хавфсизлиги бошқармаси томонидан илгари сурилган.