Киноактёр Аброр Турсунов вафот этди

“Чинор остидаги дуел" фильмидаги Парпи, “Кулол ва хурмача” фильмидаги роллари билан танилган киноактёр оламдан кўз юмди.

“Кулол ва хурмача” фильмидаги роли билан мухлисларга таниш бўлган актёр ва режиссёр Аброр Турсунов вафот этди. Бу ҳақда Маданият вазирлиги Матбуот хизмати хабар бермоқда.

Киноактёр фаолияти давомида “Чинор остидаги дуел”, “Суюнчи”, “Абдуллажон”, “Ким жинни”, “Аёллар салтанати” каби кўплаб фильмларда рол ижро этган. У кинематография оламига ўтган асрнинг 70-йилларида кириб келган. Актёр илк бор «Чинор остидаги дуэль» фильмидаги Парпи роли билан кўпчиликнинг эътиборига тушган.