«Prague Masters». Нодирбек Абдусатторов қора доналарда ишончли ғалабани қўлга киритди

Чехия пойтахти Прага шаҳрида шахмат бўйича «Prague Masters» халқаро мусобақасида бугун 5-тур ўйинлари бўлиб ўтди.

Ҳамюртимиз Нодирбек Абдусатторов бу турда польшалик Бартел Матеушга қарши қора доналарда ўйнади. Рақиб 18-юришдан бошлаб кичик ноаниқликларга йўл қўя бошлади. Бунинг оқибатида ҳамюртимизнинг устунлиги ошиб борди. 26-юришга келиб Нодирбек 2та йўли очик пиёда устунлигага эга бўлди. Бартел уларни тўхтат олмаслигига кўзи етгач, 28-юришда таслим бўлди.

Нодирбек Абдусатторов бугун ғалаба туфайли очколарини 4,0 тага етказди ва жадвалда яққол пешқадамга айланди

Ватандошимиз 4 март, душанба куни ҳиндистонлик Рамешбабу Прагнанадҳага қарши оқ доналарда ўйнайди.

Манба: stadion.uz